БАГДАД. У Багдадзе адбыўся новы напад на вайскоўцаў ЗША. Два жаўнеры, са складу закіданага гранатамі патруля – параненыя, а паводле іншых крыніцаў – забітыя. Кіраўнік аб’яднанага камітэту начальнікаў штабоў узброеных сілаў Злучаных Штатаў гэнэрал Рычард Маерс лічыць, што напады наўрад ці каардынуе Садам Хусэйн. У часе выступу ў Багдадзе Маерс сказаў, што калі зрынуты дыктатар жывы – ён, хутчэй за ўсё, заняты праблемамі ўласнай бясьпекі, але рана ці позна будзе схоплены.