МАНІЛА. Прэзыдэнтка Філіпінаў Глёрыя Ароя сёньня мае выступіць са зваротам да нацыі. Напярэдадні 300 філіпінскіх вайскоўцаў мірна скончылі захоп гандлёвага цэнтру ў сталіцы Філіпінаў -- Маніле. Салдаты, якія захапілі чэнтар, зьвінавацілі Арою ў спробе скарыстаць войска для арганізацыі тэрарыстычных актаў у Маніле. Паводле іх, прэзыдэнтка такім чынам жадала абвесьціць ваеннае становішча і застацца пры ўладзе па сканчэньні прэзыдэнцкага тэрміну ў наступным годзе.
Пасьля шматгадзінных перамоваў салдаты здаліся. Ароя заявіла, што іх будуць судіць паводле законаў ваеннага часу.
Ароя стала кіраўніцай дзяржавы ў студзені 2001 году пасьля таго, як яе папярэднік Джозэф Эстрада, якога вінавацілі ў карупцыі, быў вымушаны падаць у адстаўку пасьля масавых пратэстаў.