ТЭГЕРАН. Іран афіцыйна прызнаў, што трымае групу кіраўнікоў “Аль-Кайды”. Пра гэта заявіў сёньня міністар бясьпекі Ірану Алі Юнэсі. Ніякіх імёнаў міністар не назваў. У чэрвені іранскія ўлады заявілі, што вядуць перамовы наконт затрыманых тэрарыстаў са спецслужбамі некалькіх краінаў, уключна з Вялікай Брытаніяй. Паводле некаторых дадзеных, сярод затрыманых у Іране -- другі лідэр “Аль-Кайды” Айман аль-Заўахры.