МАНРОВІЯ.У сталіцы Лібэрыі адбываюцца напружаныя баі паміж войскамі прэзыдэнта Чарльза Тэйлара і паўстанцамі. Больш чым 60 чалавек забітыя.
Міна патрапіла у раён сталіцы, дзе 10 000 чалавек шукалі прыбежышча.
Паводле інфармацыі міжнародных гуманітарных арганізацыяў, 25 чалавек загінулі у выніку мінмамётнага абстрэлу тэрыторыі вакол амбасады ЗША у Манровіі.
Паводле непадцьверджаных дадзеных ў выніку абстрэлу загінулі некалькі супрацоўнікаў гуманітарных місіяў. Ад учорашняга дню паўстанцы вядуць мінамётны абстрэл раёну Манровіі, дзе размешчаныя замежныя прадстаўніцтвы, у спробах прарвацца у цэнтар сталіцы.
Новы кантынгэнт з 40 амэрыканскіх марскіх пэхацінцаў прыбыў для ўзмацненьня аховы амэрыканскай амбасады ў сталіцы Лібэрыі.
Прэзыдэнт ЗША Джордж Буш пакуль не прыняў рашэньня аб ўдзеле амэрыканскіх войскаў у міратворчых сілах, якія фармуюць для адпраўкі ў Лібэрыю заходнеафрыканскія краіны.