ВАЛЫНЬ. Прэзідэнт Украіны Леанід Кучма і прэзідэнт Польшчы Аляксандр Квасьнеўскі сёньня адзначылі 60-ую гадавіну масавага забойства палякаў і украінцаў у часе другой сусьветнай вайны у Валыні, на заходзе Украіны. Абодвы прэзідэнты ўшанавалі мэмарыял ў памяць 100 тысячам загіблых.
У ліку загіблых былі прыкладна 80% палякаў і прыкладна 20% украінцаў. Прэзідэнты Польшчы і Украіны сказалі, што іх краіны павінны пакінуць ў мінулым старыя канфлікты і працаваць дзеля сяброўскіх і добрасуседзкіх дачыненьняў.