КАБУЛ. Намесьнік адмысловага прадстаўніка ААН ў Афганістане Ніджэл Фішэр заявіў, што міжнародныя донары мусяць надаваць больш ўвагі пры дапамозе Афганістану ў пераадоленьні фінансавых праблемаў, а таксама праблемаў бясьпекі. Міжнародны фонд рэканструкцыі Афганістану ўтрымлівае сёлета каля 600 млн даляраў, але толькі 83 млн даляраў зараз могуць выкарыстоўвацца дзеля розных праектаў, з прычыны маруднага пералічэньня сродкаў. Місія ААН атрымала менш паловы сродкаў, абяцаных міжнароднай супольнасьцю.