СЭУЛ. Паўдзённая Карэя ізноў заклікала Паўночную Карэю спыніць спробы вытворчасьці ядзернай зброі.
Прадстаўнікі абедзьвух краінаў сёньня сустракаліся у Сэуле пасьля таго, як выведка Паўдзённай Карэі паведаміла ўчора пра спробы Паўночнай Карэі разьвіваць праграмы ядзернай зброі – пераапрацоўваць выкарыстаныя ядзерныя стрыжні і выпрабоўваць дэтанатары для атамных выбухаў. Паўдзённая Карэя паведаміла, што міжнародная супольнасьць гатовая дапамагчы ў пераадольваньні нястачы, калі Паўночная Карэя адмовіцца ад амбіцыяў стварэньня ядзернай зброі.