ПАЛАСА ГАЗА. Палестынскія службы бясьпекі паведамляюць пра затрыманьне палестынскай жанчыны, якая плянавала самагубчы тэракт у Ізраіле. Прадстаўнік палестынскіх службаў бясьпекі ў Паласе Газа гаворыць, што 18-гадовая жанчына была арыштаваная ў месцы, якое звычайна выкарыстоўваюць палестынцы, каб прабрацца на ізраільскую тэрыторыю. Ізраіль даў зразумець, што далейшы сыход ізраільцаў з палестынскіх тэрыторыяў згодна з мірным плянам “дарожная мапа” будзе залежыць ад палестынскіх службаў бясьпекі, якія павінны прадухіляць напады на ізраільцаў ў Паласе Газа й горадзе Бетлееме на Заходнім Беразе Ярдану. Гэтыя месцы былі перададзеныя пад кантроль палестынцаў мінулым тыднем.