ВАШЫНГТОН. Прэзыдэнт ЗША Джордж Буш пастанавіў, што шасьцёра падазроных на супрацоўніцтва з “Аль-Кайдай”, якія цяпер знаходзяцца ў вязьніцах Злучаных Штатаў, паўстануць перад ваенным трыбуналам. Як паведамілі заходнія агэнствы, са спасылкай на неназваныя крыніцы ў прэзыдэнцкай адміністрацыі, час і месца працэсу пакуль невядомыя. Незразумела таксама, каго менавіта з затрыманых паводле падазрэньня ў тэрарызме будуць судзіць. Толькі на вайсковай базе ЗША ў Гуантанама, што на Кубе, утрымліваюцца блізу 680 зьняволеных, якіх Вашынгтон адмаўляецца лічыць ваеннапалоннымі.