ЕРУСАЛІМ. Ізраільскія войскі часова блякавалі асноўную аўтамагістраль, якую ў панядзелак перадалі пад кантроль палестынцаў. На Заходнім беразе Ярдану ў месьце Калькілія ізраільскія войскі у часе рэйду забілі ваяўніка палестынскай арганізацыі “Брыгады пакутнікаў Аль-Аксы”. Ізраіль патлумачыў, што рэйд і блякіроўка магістралі – адказ на ўзнаўленьне нападаў палестынскіх ваяўнікоў. У інтэрвію палестынскі прэм’ер-міністар Махмуд Абас абвінаваціў Ізраіль у сабатажы мірных захадаў. Палестынская вайсковая арганізацыя “Брыгада пакутнікаў Аль-Аксы”заявіла, што будзе помсьціць.