МАДРЫД. Былы афіцэр ваенна-марскіх сілаў Аргентыны сёньня прыбыў у Гішпанію на суд па абвінавачваньнях у генацыдзе і тэрарызме. Рыкарда Мігеля Кавальё вінавацяць у злачынствах падчас ваённай дыктатуры ў Аргентыне ў 70-я і 80-я гады мінулага стагодзьдзя. Кавальё быў затрыманы ў Мэксыцы ў 2000 годзе, а ўчора Мэксыка выдала яго на запыт гішпанскіх уладаў. Калі Кавальё прызнаюць вінаватым, яму пагражае да 30 гадоў турмы.