КАРЛСРУЭ (Нямеччына). Вышэйшы суд Нямеччыны адмовіўся задаволіць зыскі пра выплату кампэнсацыяў ахвярам карнай апэрацыі нацыстаў у Грэцыі ў часе Другой усясьветнай вайны. Суд, які праводзіў паседжаньні ў месьце Карлсруэ, пастанавіў, што Нямеччына не абавязаная плаціць прыватным асобам, таму што толькі дзяржавы маюць права на кампэнсацыю стратаў ад ваенных злачынстваў. На прыканцы 1960-ых гадоў Нямеччына выплаціла Грэцыі кампэнсацыю ў памеры 67-і мільёнаў даляраў.