КАБУЛ. Праваахоўная арганізацыя Human Rights Watch скрытыкавала прэзыдэнта Афганістану Хаміда Карзаі за тое, што лідар краіны, нібыта, ухваліў арышты двух журналістаў, якіх абвінавачвалі ў блюзьнэрстве. Па зьвестках праваахоўчай арганізацыі, непасрэдна Карзаі ўхваліў арышты журналістаў на мінулым тыдні. Гэта адбылося пасьля таго, як часопіс “Афтааб”(“Сонца”) надрукаваў артыкул, які, нібыта, быў абразьлівым для ісляму.