ПОРТА КАРАС. Сёньня – трэці, апошні дзень саміту Эўразьвязу ў Грэцыі.
Лідары краінаў Эўрапейскага Зьвязу сёньня сустрэліся з кіраўнікамі пяці Балканскіх краінаў – Сэрбіі й Чарнагорыі, Македоніі, Альбаніі, Харватыі і Босьніі.
Хавьер Саляна, які ачольвае зьнешнюю палітыку Эўразьвязу, заявіў, што прадстаўнікам балканскіх краінаў быў дадзены “вельмі ясны знак”, што для іх краінаў “адкрыты шлях” ў Эўрапейскі Зьвяз. Эўразьвяз мяркуе што арганізаванае злачынства і карупцыя застаюцца “сапраўднай перашкодай” для Балканаў на шляху у Эўразьвяз.
Прэм’ер-міністар Грэцыі Костас Сіміціс , які быў старшынёй саміту, сказаў, што Балканскія краіны атрымаюць больш падтрымкі ад ЭЗ дзеля эканамічных і сацыяльных рэформаў – ЭЗ вылучыць дадатковыя 200 млн эўра рэгіёну цягам наступных трох гадоў. Усяго гэтая дапамога за 2000 – 2006 гг. Складзе каля 5 000 млн эўра.