МАСКВА. Дзяржаўная Дума Расеі сёньня разгледзіць пытаньне аб недаверу ўраду краіны на ініцыятыву фракцыяў “Яблоко” і камуністычнай партыі. Мяркуецца, што рэальных шанцаў на вынесеньне вотуму недаверу ўраду няма. Камуністы й фракцыя “Яблоко” абвінавачваюць ўрад Міхаіла Касьянава ў тым, што ён ня выканалі абяцаньні ў шасьці галінах, у тым ліку ў сацыяльна-эканамічнай сфэры.