ГАЗА (Палестынская аўтаномія). Адмысловы высланьнік ЗША на Блізкім Усходзе Джон Вулф абмеркаваў у Газе з прэм’ер-міністрам Палестынскае аўтаноміі Махмудам Абасам шляхі рэалізацыі міжнароднага пляну блізкаўсходняга разьвязаньня. Чакаецца, што неўзабаве Абас сустрэнецца з прадстаўнікамі палестынскіх экстрэмісцкіх груповак – у спробе пераканаць іх пагадзіцца на замірэньне з Ізраілем. Лідары экстрэмістаў патрабуюць каб Ізраіль спачатку спыніў ваенныя апэрацыі на палестынскіх тэрыторыях. Сёньня ж у Парыжы міністар абароны Йзраілю Шаўль Мафаз пацьвердзіў гатовасьць ізраільскага кіраўніцтва ўзнавіць перамовы з палестынцамі, каб уратаваць міжнародны мірны плян “дарожная мапа”.