ВАШЫНГТОН. Апэляцыйны суд ЗША пастанавіў, што міністэрства юстыцыі мае права не абнародваць імёнаў асобаў, арыштаваных або затрыманых пасьля тэрактаў 11 верасьня 2001 году. У судовай пастанове сказана, што ўрад ЗША можа не паведамляць імёнаў асобаў, затрыманых за парушэньне міграцыйных законаў, а таксама найважнейшых сьведкаў пры разглядзе справаў, зьвязаных з нацыянальнай бясьпекай. Гэтая пастанова стала ўдарам для шматлікіх праваабарончых арганізацыяў, якія вступаюць за прыняцьцё закону, што прадугледжвае адкрыцьцё шэрагу дзяржаўных архіваў. Праваабаронцы дамагаюцца скасаваньня практыкі патаемных арыштаў.