БАГДАД. Амэрыканскае камандваньне паведамляе пра затрыманьне прынамсі 371 прыхільніка Садама Хусэйна. У часе рэйдаў ў Багдадзе і ваколіцах Тыкрыту й Кіркуку была канфіскаваная зброя й выбуховыя рэчывы. Рэйды ладзіліся ў адказ на шэраг нядаўніх нападаў на вайскоўцаў ЗША. Адначасова з рэйдамі вайскоўцы сілаў кааліцыі размяркоўваюць гуманітарную дапамогу. Аднак, як папярэджваюць іракцы, рэйды спрыяюць росту варожасьці насельніцтва да амэрыканскіх вайскоўцаў.