ВЕНА. Прадстаўнік Ірану ў Міжнародным агэнстве атамнай энэргіі Алі Салехі лічыць, што канфлікт паміж Тэгэранам і МАГАТЭ можа быць разьвязаны. Сёньня ў Вене кіраўніцтва МАГАТЭ абмяркоўвала ядзерную праграму Йрану. Кіраўнік Агэнства Махамэд Эль Барадэі паведаміў, што Іран не паведаміў МАГАТЭ пра тое, якія менавіта працы вядуцца не ягоных ядзерных рэактарах. У той самы час, паводле Эль Барадэі, Тэгэран ужывае захады, каб зьмяніць сытуацыю. Мёньня Эўрапэйскі Зьвяз прыняў праект заявы з заклікам да Ірану падпісаць дадатковы пратакол, які дае права экспэртам МАГАТЭ неадкладна пачаць інспэкцыю ягоных ядзерных аб'ектаў. Іран цьвердзіць, што ягоная ядзерная праграма мае вылучна мірныя мэты.