НЬЮ-ДЭЛІ. Расейскі міністар замежных справаў Ігар Іваноў сёньня будзе абмяркоўваць з індыйскімі лідэрамі шляхі развязваньня пакістана-індыйскага канфлікту й праблемы тэрарызму. Учора ў Іслямабадзе міністар замежных справаў Расеі заявіў пра магчымасьць пасярэдніцкіх адносінаў паміж Пакістанам і Індыяй. Іваноў падкрэсьліў, што разьвязаньне пакістанска-індыйскага канфлікту вакол Кашміру можа быць толькі палітычным. Кіраўнік міністэрства замежных справаў вітаў намаганьні Іслямабаду ў барацьбе супраць тэрарызму й іслямскага экстрэмізму.