ПЭКІН. Экспэрты Ўсясьветнай арганізацыі аховы здароўя лічаць, што Кітай павінен прыкласьці максімум намаганьняў, каб не дапусьціць новага выбуху эпідэміі атыповай пнэўманіі. У Кітаі, паводле экспэртаў арганізацыі, адсутнічае эфэктыўная сыстэма сваечасовага інфармаваньня аб захворваньні й адсочваньня шляхоў інфікаваньня. Мінулым тыднем Усясьветная Арганізацыя аховы здароўя адмяніла забарону на падарожжа ў пяць кітайскіх правінцыяў для турыстаў, аднак Пэкін, дзе эпідэмія яшчэ шырыцца, па-ранейшаму застаецца пад забаронай.