ТЭГЭРАН. У Тэгэране, за антыўрадавыя выступы, затрыманыя 80 студэнтаў. Пра гэта паведаміў кіраўнік іранскай службы бясьпекі Алі Юнэсі. Паводле Юнэсі, студэнцкія пратэсты былі інспіраваныя з-за мяжы. Юнэсі абвінаваціў спадарожнікавыя тэлеканалы і замежныя сродкі масавай інфармацыі ў падбухторваньні да бунту. У студэнцкіх дэманстрацыях узялі ўдзел некалькі тысячаў чалавек, якія дамагаліся правядзеньня ў краіне антыклерыкальных рэформаў.