БРУСЭЛЬ. Сёньня ў Брусэлі Латвія, Літва, Эстонія і Грузія падпішуць чатырохбаковае ваеннае пагадненьне ў справе кіраваньня крызысамі й рэсурсамі. Як паведамляецца, урачыстасьць падпісаньня пройдзе ў часе традыцыйнай сустрэчы кіраўнікоў ваенных ведамстваў краінаў-сяброў і партнэраў НАТА. Апрача гэтага ў Брусэлі будуць абмеркаваныя пытаньні інтэграцыі ў НАТА Грузіі і выкананьне пляну індывідуальнага партнэрства.