НЬЮ-ЁРК. Афіцыйныя асобы ААН паведамілі, што гуманітарныя агенцтвы змагаюцца за усталяваньне кантролю за распаўсюдам захворваньняў у Іраку. Так, у Басры былі зафіксаваныя 66 выпадкаў захворваньня на халеру. У параўнаньні з пачаткам году колькасьць выпадкаў захворваньня на дыўрэю сярод ірацкіх дзяцей вырасла на 250 працэнтаў. На думку прэсавага сакратара дзіцячага фонду ЮНІСЭФ Джэфры Кіла, рост колькасьці захворваньняў зьвязаны, у тым ліку, з разбурэньнем ірацкай сыстэмы аховы здароўя.