ЛЁНДАН. Сёньня ў Лёндане лідар Афганістану Хамід Карзай правядзе перамовы з прэм’ер-міністрам Брытаніі Тоні Блэрам. Таксама ў праграме візыту сустрэчы з брытанскім міністрам замежных справаў Джэкам Стро і іншымі кіраўнікамі краіны. У апошнія дні сытуацыя ў Афганістане ўскладнілася. На поўдні краіны адбыліся сутычкі паміж аддзеламі мясцовых камандзіраў Абулы Разіка і Гуда Фахіда.