ВАШЫНГТОН. Сябра палаты прадстаўнікоў ЗША Кёрт Ўэлдан, пасьля вяртаньня з Пхэньяну, заявіў, што Паўночная Карэя гатовая да перамоваў у пытаньні сваёй ядзернай праграмы. Кангрэсмэн-рэспубліканец Ўэлдан узначальваў камісію Кангрэсу ЗША, якая правяла перамовы з прадстаўнікамі кіраўніцтва КНДР. Зь ягоных словаў, Пхэньян гатовы да абмеркаваньня ўсіх наяўных праблемаў. Вашынгтон лічыць, што КНДР ужо мае дзьве невялікія ядзерныя бомбы і вядзе распрацоўку праграмаў вытворчасьці такіх узбраеньняў.