КАІР. Сёньня ў Каіры прэзыдэнт ЗША Джордж Буш абмяркоўвае зь лідарамі шэрагу арабскіх краінаў міжнародны плян блізкаўсходняга мірнага разьвязаньня. Пасьля прыезду ў Эгіпет ён выказаў упэўненасьць у посьпеху мірнага працэсу на Блізкім Усходзе. Заўтра ў Ярданіі Буш правядзе перамовы з ізраільскім прэм’ер-міністрам Арыэлем Шаронам і кіраўніком палестынскага ўраду Махмудам Абасам. У панядзелак Абас сустрэўся з каралём Ярданіі Абдулом. Напярэдадні ярданскай сустрэчы ў вярхох Ізраіль выпусьціў зь вязьніцы буйнага функцыянэра Арганізацыі вызваленьня Палестыны Тайсіра Халіда, які быў арыштаваны шэсьць месяцаў таму. Дамова пра ягонае вызваленьне была дасягнутая ў мінулым тыдні, у часе перамоваў Шарона з Абасам.