ТЭГЕРАН. Іран сёньня адхiлiў абвiнавачаньнi з боку ЗША адносна сакрэтнага разьвiцьця праграмы ядзернай зброi i ўкрываньня кiраўнiкоў "Аль-Кайды". Мiнiстар замежных справаў Ірану Камал Харазi заявiў, што любыя абвiнавачаньнi адносна ўкрыцьця зброi масавага зьнiшчэньня могуць рабiцца толькi празь мiжнародныя структуры. Прэсавы сакратар мiнiстра замежных справаў Ірану Хамiд Азафi паведамiў, што ў Іране былi некалькi асобаў, падазраваных у сувязях з "Аль-Кайдай", але невядома, цi належылi яны да кiраўнiцтва "Аль- Кайды".