Сёньня ў французскім горадзе Давіль адбудзецца сустрэча міністраў фінансаў краінаў “вялікай васьмёркі”. Асноўнай тэмай перамоваў стане паваенная рэканструкцыя Іраку і цяперашні эканамічны спад. Міністар фінансаў ЗША Джон Сноў напярэдадні сустрэчы заклікаў вядучыя дзяржавы сьвету стварыць умовы для эканамічнага росту і павелічыэньня колькасьці працоўных месцаў. Учора Эўразьвяз абнародваў звесткі, згодна зь якімі ў першым квартале гэтага году ў дзяржавах “эўразоны” зафіксаваны нулявы эканамічны рост.