ВІЛЬНЯ. Цэнтральная выбарчая камісія Літвы адхіліла скаргі Эўраськептыкаў на парушэньні заканадаўства цягам рэфэрэндуму ў пытаньні далучэньня Літвы да Эўразьвязу. У сваёй заяве група эўраськептыкаў адзначыла, што кампанія агітацыі за далучэньне да аб’еднанай Эўропы вялася з парушэньня закону, парушэньні таксама былі адзначаныя на выбарчых участках. Кіраўнік Цэнтральнай выбарчай камісіі Літвы Зянонас Вайгаўскас заявіў, што прадстаўнікі камісіі значных парушэньняў закону не адзначылі, таму скарга эўраськептыкаў была адхіленая.