БАГДАД.Амэрыканскія вайскоўцы сёньня выставілі ультыматум іранскай ўзброенай групоўцы,якая базуецца ў Іраку. Ваяўнікам прапануецца тэрмінова скласьці зброю, альбо яны будуць атакаваныя. Паводле амэрыканскага ваеннага камандваньня групоўка Муджахедзіна Халка, якая размяшчаецца блізу іранскай мяжы, зараз вядзе перамовы з амэрыканцамі. Да гэтага часу паміж групоўкай і амэрыканскімі ваеннымі сіламі дзейнічала перамір’е, ваяўнікам дазвалялася выкарыстоўваць зброю супраць рэпрэсій іранскіх груповак. Муджахедзін Халк выступае супраць іранскага ўраду, раней яго ў гэтым падтрымліваў Садам Хусэйн.