ТЕГЕРАН. Дэпутаты іранскага парляманту сёньня выступілі са зваротам, у якім заклікаюць за рэформы ў краіне і нармалізацыю міжнародных дачыненьняў. Зварот падпісалі 153 дэпутаты з 290. У ім гаворыцца, што ў Іране зараз склалася крытычная сытуацыя, і ўлады губляюць падтрымку людзей, якія кардынальна галасавалі за рэформы. Парлямэнтары заклікаюць распачаць больш актыўную дыпляматычную дзейнасьць. Іран не мае дыпляматычных стасункаў з Ізраілем, Егіптам і ЗША.