ЛЁНДАН. Міністар абароны Злучаных Штатаў Доналд Рамсфэлд заявіў сёньня ў Лёндане, што было б памылкай лічыць цяперашнюю сытуацыю ў Іраку бясьпечнай. Выступаючы на прэсавай канфэрэнцыі пасьля сустрэчы са сваім брытанскім калегам Джэфры Гунам, Рамсфэлд пацьвердзіў учорашнюю заяву прэзыдэнта Буша пра тое, што ваенная апэрацыя ў Іраку ў цэлым завершаная, аднак, паводле яго, супраціў сілам кааліцыі працягваецца.