РОДАС (ГРЭЦЫЯ). Міністры замежных справаў краінаў Эўразьвязу распачалі сёньня на грэцкім востраве Родас перамовы, у цэнтры ўвагі якіх – паваеннае аднаўленьне Іраку і блізкаўсходні канфлікт. Сярод іншых тэмаў – дачыненьні Эўразьвязу са Злучанымі Штатамі, якія значна пагоршыліся падчас ірацкага крызысу. Апрача 15 краінаў Эўразьвязу на сустрэчы прадстаўленыя 10 краінаў, якія неўзабаве далучацца да гэтай арганізацыі.