КАБУЛ. Міністэрства ўнутраных справаў Афганістану абвесьціла пра стварэньне дэпартаманту абароны правоў чалавека, дзеля барацьбы супраць жорсткасьці, злоўжываньняў і хабарніцтва ў паліцэйскім асяродзьдзі. Кіраўнік міністэрства Аль Ахмад Джалалі паведаміў, што аддзелы новага дэпартаманту будуць створаныя ў кожнай правінцыі Афганістану. Кіраўнік афганскай незалежнай камісіі ў правох чалавека Сіма Самар заявіла, што ейная арганізацыя дапаможа сфармаваць штат супрацоўнікаў дэпартаманту.