ПАРЫЖ. Сёньня адбылася тэлефонная размова прэзыдэнта Францыі Жака Шырака і прэзыдэнта ЗША Джорджа Буша. Шырак пад час размовы заявіў, што Францыя гатовая адыгрываць «прагматычную ролю» ў пасьляваенным Іраку. Гэта была першая тэлефонная размова двух лідараў за апошнія два месяцы. Шырак таксама выказаўся за ўдзел ААН у аднаўленьні Іраку. Белы дом ахарактарызаваў тэлефонную размову двух лідараў як «дзелавую», што звычайна азначае пэўную нязгоду ў падыходах бакоў.