БЭЙРУТ
Міністр замежных справаў Францыі Дамінік дэ Вільпэн заявіў, што ЗША выбралі ня лепшы час для абвінавачваньня Сырыі ў дапамозе рэжыму Садама Хусэйна. Выступаючы ў ліванскай сталіцы, дэ Вільпэн сказаў, што міжнародная супольнасьць зараз павінна сканцэнтравацца на аднаўленьні Іраку і ажыўленьні блізкаўсходняга мірнага працэсу. Сёньня міністр абароны ЗША Дональд Рамсфэльд заявіў, што Сырыя дала прытулак некаторым прадстаўнікам рэжыму Садама Хусэйна.