РЫГА. Сёньня латвійскі Сэйм адхіліў прапанову левых фракцыяў дазволіць неграмадзянам Латвіі, сталым жыхарам краіны узяць удзел у рэферэндуме 20 верасьня аб уступленьні Латвіі ў Эўразьвяз. Дэпутаты адзначылі, што паводле Канстытуцыі “суверэнная ўлада належыць народу Латвіі, а народ – гэта грамадзяне”. Тым часам у рэферэндуме могуць браць удзел былыя грамадзяне Латвіі, якія пражываюць за мяжой.