САРАЕВА. Гэнэральны сакратар НАТА Джордж Робэртсан і прадстаўнікі 19 краінаў-сяброў Паўночнаатлянтычнай супольнасьці знаходзяцца з візытам у Босьніі й Гэрцагавіне. Пасьля прыезду ў Сараева Робэртсан заявіў, што галоўная мэта паездкі – пацьвердзіць абавязкі НАТА ў справе трыманьня міру й стабільнасьці ў краіне. Ён адзначыў патрэбу рэформы нацыянальнага войска, мэта якой – стварэньне ваенных структураў, што абядноўваюць розныя этнічныя групы.