ТАЛІН. Сёньня Валгаскі ўезны суд Эстоніі асудзіў да 8 гадоў зьняволеньня ўмоўна 80-гадовага грамадзяніна Расеі вэтэрана войскаў КГБ Уладзімера Пэнарта. Пэнарт прызнаны вінаватым у злачынствах супраць чалавецтва, учыненых у 1953-54 гадах, у прыватнасьці ў забойстве эстонскіх антысавецкіх партызанаў. Маскоўскі адвакат Уладзімера Пэнарта заявіў, што будзе дамагацца перагляду ягонай справы ў судзе вышэйшай інстанцыі.