БАГДАД. Учора тры журналісты сталі ахвярамі бамбаваньня з боку саюзьнікаў. Сярод іх – украінец , які супрацоўнічаў з агенцтвам Рэйтэрс, прадстаўнік гішпанскай тэлекампаніі і апэратар арабскага тэлеканала Аль-Джазіра. Пэнтагон выказаў шкадаваньне ў зьвязку са сьмерцямі журанлістаў. Але, як адзначыў прадстаўнік Пэнтагону, амэрыканскія вайскоўцы адкрылі вагонь у адказ на абстрэл, які вёўся з гатэлю, дзе жылі журналісты.
Камітэт у абарону журналістаў зьвярнуўся зь лістом да міністра абароны ЗША Дональда Рамсфэльда з патрабаваньнем правесьці дасьледваньне абставінаў сьмерці журналістаў. Праваабарончая арганізацыя "Эмністы Інтэрнэшнл" таксама заклікала да правядзеньня незалежнага дасьледваньня.