ГУАНЧЖОЎ (КІТАЙ). Група экспэртаў Усясьветнай арганізацыі здароўя пашырае пошукі паходжаньня сьмяротнага віруса нетыповай пнэўманіі (САРС) у паўдзённым Кітаі. Экспэрты вядуць дасьледаваньне ў горадзе Фошань, дзе пяць месяцаў таму ўпершыню была зарэгістраваная новая хвароба. На гэты момант у 30 краінах сьвету зафіксавана ўжо амаль 2600 выпадкаў захворваньня на САРС, колькасьць памерлых дасягнула 86. Бальшыня выпадкаў сярод эўрапейскіх краінаў назіраецца ў Чэхіі – 17 хворых.