ПАРЫЖ. Міністры замежных справаў Францыі, Нямеччны і Расеі сёньня правялі абмеркаваньне сытуацыі ў Іраку. Міністры Францыі і Расеі выказалі меркаваньне, што асноўная задача зараз – як найхутчэйшае завяршэньне ваенных дзеяньняў. Тры міністры падкрэсьлілі, што гуманітарная сытуацыя ў Іраку патрабуе неадкладнага разьвязаньня. Яны сказалі, што кіруючую ролю ў аднаўленьні Іраку мусіць адыгрываць Арганізацыя Аб’еднаных Нацыяў.