ПАРЫЖ. Дзяржаўны сакратар ЗША Колін Паўэл заявіў, што ААН ў пасьляваенным Іраку будзе займацца пытаньнямі гуманітарнай дапамогі, рэканструкцыі і ўсталяваньня грамадскай улады. Паводле Паўэла, Злучаныя Штаты бяруць на сябе адказнасьць за бясьпеку Іраку і ягоную тэрытарыяльную непадзельнасьць. У склад новага ўраду краіны ўвойдуць асобы, якія зараз знаходзяцца ў Іраку, такім чынам, ірацкае кіраўніцтва ня будзе скалдацца толькі з эмігрантаў.