Лінкі ўнівэрсальнага доступу

[ 05:58 ]  Войскi ЗША захапiлi частку аэрапорту ля Багдаду


БАГДАД. Прадстаўнiкi войскаў ЗША кажуць, што амэрыканскiя сiлы захапiлi частку мiжнароднага аэрапорту Садам у 20 кiлямэтрах ад Багдаду. Паведамляецца, што амэрыканскiя вайскоўцы не сустрэлi сур’ёзнага супрацiву на падыходах да сталiцы Іраку. Таксама паведамляецца, што самалёты каалiцыi сёньня зранку зноў бамбавалi цэнтар Багдаду. Учора на брыфiнгу ў Пэнтагоне мiнiстар абароны ЗША Дональд Рамсфэльд заявiў, што каалiцыйныя войскi фактычна стаяць на мяжы iрацкай сталiцы. (Рамсфэльд: ) “Сiлы каалiцыi наблiжаюцца да Багдаду. Яны ўзялi пад кантроль некалькi сумежных раёнаў i цяпер знаходзяцца блiжэй да цэнтру iрацкай сталiцы, чым многiя амэрыканцы ад сваiх офiсаў, калi яны езьдзяць на працу з прымесьцяў”. Прадстаўнiкi каалiцыйных сiлаў паведамляюць, што амэрыканскiя танкi вялi баi на паўдзённай мяжы Багдаду. У iрацкай сталiцы ўпершыню з пачатку вайны зьнiкла электрычнасьць. Аднак прадстаўнiкi Пэнтагону кажуць, што амэрыканскiя войскi не бамбавалi аб’екты энэргазабесьпячэньня. Тым часам улады Іраку апублiкавалi чарговы заклiк да змаганьня ад iмя iрацкага лiдэра Садама Хусэйна.
XS
SM
MD
LG