МАСКВА. Расейскі прэзыдэнт Пуцін сёньня заявіў, што Расея супрацоўнічае і будзе надалей супрацоўнічаць са Злучанымі Штатамі ў вырашэньні глябальных праблемаў і крызысных сытуацыяў. Пуцін аднак сказаў, што Расея ня можа дазволіць сабе быць уцягнутай у нейкія нявырашаныя ўсясьветныя канфлікты накшталт ірацкага. Учора Пуцін заявіў, што з палітычных і эканамічных меркаваньняў Расея не хацела б паразы Злучаных Штатаў у Іраку.