ВАШЫНГТОН. Прэзыдэнт ЗША Джордж Буш заклікаў Кангрэс зацьвердзіць ягоны запыт, пра 75 мільярдаў даляраў на вайну супраць Іраку і барацьбу супраць міжнароднага тэрарызму ў ЗША. У часе сустрэчы з вэтэранамі ў Белым Доме Буш заявіў, што войскі антыйрацкай кааліцыі, цягам ваеннай апэрацыі, дамагліся вялікіх посьпехаў. Сілы саюзьнікаў працягваюць наступ і няўхільна набліжаюцца да Багдаду, – сказаў ён. Ірак будзе раззброены, а ягоны народ стане свабодным, – падкрэсьліў прэзыдэнт ЗША.