БРУСЭЛЬ: Эўрапарлямэнт адкінуў сёньня ўсе праекты рэзалюцыяў, датычных Іраку. Эўрапарлямэнт, у прыватнасьці, не прыняў рэзалюцыю, у якой за канфлікт асуджаўся Садам Гусэйн , а таксама рэзалюцыю, у якой Эўразьвяз заклікаўся да супрацоўніцтва і трансатлянтычнага партнэрства са Злучанымі Штатамі. Краіны Эўразьвязу глыбока падзеленыя ў пытаньні Іраку. Велікабрытанія, Гішпанія, Італія і Партугалія падтрымліваюць вайну супраць рэжыму Гусэйна, а Нямеччына, Францыя і Бэльгія рашуча выступаюць супраць.