СЫДНЭЙ. Акцыі пратэсту супраць вайны ў Іраку працягваюцца. Сёньня ў Аўстраліі ў Сыднэі адбыліся сутычкі паміж дэманстрантамі й паліцыяй. Акцыі пратэсту таксама прайшлі ў іншых населеных пунктах краіны пасьля таго, як урад прыняў пастанову адправіць у Ірак для ўдзелу ў апэрацыях кааліцыйных сілаў, двухтысячны кантынгэнт. Сутычкі з паліцыяй таксама адбыліся ў сталіцы Паўдзённай Карэі – Сэвуле. 30 дэманстрантаў, якія спрабавалі прарвацца да пасольства ЗША – арыштаваныя. У сталіцы Інданэзіі – Джакарце дэманстранты спалілі партрэт прэзыдэнта ЗША Джорджа Буша.