БАГДАД
Ваенныя ЗША паведамляюць пра вялікія страты ірацкіх войскаў у баях каля гораду Наджаф на поўдні краіны. Тым часам амэрыканская і брытанская авіяцыя працягваюць наносіць масіраваныя авіяўдары па ірацкай сталіцы. Карэспандэнты паведамляюць пра дым у раёне Багдаду, дзе месьціцца міністэрства інфармацыі Іраку і дзяржаўная тэлевізія. Сыгнал ірацкай спадарожнікавай тэлевізіі зараз адключаны. Амэрыканскія ваенныя прадстаўнікі сьцьвярджаюць, што ад 150 да 500 іракцаў былі забітыя ў баях з часткамі кааліцыі каля Наджафа. Працягваюцца таксама баі ў раёне гораду Басра на поўдні Іраку